ermitag · 17-Май-13 15:27(11 лет 5 месяцев назад, ред. 03-Янв-17 14:23)
Священник Русской Православной Церкви Московской Патриархии (не указан) Акафист Святым Царственным Мученикам Жанр: Church Страна: Россия Год издания: 2000 Аудиокодек: MP3 Тип рипа: tracks Битрейт аудио: 320 kbps Продолжительность: 00:49:50 Источник (релизер): аналоговая запись Устройство воспроизведения: Pioneer CT-W706DR Шумоподавление: встроенное, Digital NR Формат записи: 44100 Hz, 16 Bits, Stereo Наличие сканов в содержимом раздачи: да Треклист: 01. Предначинательные молитвы 02:14
02. Кондак 1-й «Избранная седмерице...» 00:33
03. Икос 1-й «Ангели Божии есте...» 01:29
04. Кондак 2-й «Видяще Святии мерзость запустения...» 00:34
05. Икос 2-й «Разум недоразумеваемый...» 01:26
06. Кондак 3-й «Сила Вышняго осени...» 00:37
07. Икос 3-й «Имуще богоприятныя камение...» 01:22
08. Кондак 4-й «Бурю внутрь имея...» 00:32
09. Икос 4-й «Слышаша архипастырие...» 01:16
10. Кондак 5-й «Боготечнии звезды есте...» 00:28
11. Икос 5-й «Видяще отроцы седмь...» 01:27
12. Кондак 6-й «Проповедницы богоноснии...» 00:40
13. Икос 6-й «Возсия во Египте новом...» 01:24
14. Кондак 7-й «Хотяй всем человеком спастися...» 01:14
15. Икос 7-й «Новые водоносы уставляет...» 01:31
16. Кондак 8-й «Странное о Царственных Страстотерпцах...» 00:26
17. Икос 8-й «Весь бе в нижних...» 01:40
18. Кондак 9-й «Всякое естество Ангельское...» 00:24
19. Икос 9-й «Вeтия многовещанныя...» 01:22
20. Кондак 10-й «Спасти хотяй мир...» 00:31
21. Икос 10-й «Стена огустевших вод...» 01:09
22. Кондак 11-й «Пение всякое наше побеждается...» 00:29
23. Икос 11-й «Светоприемный седмисвещный светильник...» 01:41
24. Кондак 12-й «Благодать дати восхотев...» 00:34
25. Икос 12-й «Поюще коемуждо от вас...» 01:13
26. Кондак 13-й (первый раз) «О Святии седмь...» 00:59
27. Кондак 13-й (второй раз) «О Святии седмь...» 00:55
28. Кондак 13-й (третий раз) «О Святии седмь...» 00:57
29. Окончание. Икос 1-й «Ангели Божии есте...» 01:31
30. Окончание. Кондак 1-й «Избранная седмерице...» 00:29
31. Молитва Святому Мученику Царю Николаю 03:24
32. Молитва Святой Мученице Царице Александре 03:19
33. Молитва Святому Мученику Цесаревичу Алексию 02:48
34. Молитва Святой Мученице Царевне Ольге 02:21
35. Молитва Святой Мученице Царевне Татиане 02:16
36. Молитва Святой Мученице Царевне Марии 01:34
37. Молитва Святой Мученице Царевне Анастасии 02:42 «Россия не поднимется, пока не осознает, кто был наш русский Царь Николай II. Без истинного покаяния нет истинного прославления Царя» (Старец Николай Гурьянов). .
Текст акафиста и молитв Святым Царственным Мученикам
Акафист Святым Царственным МученикамКондак 1 Избранная седмерице, во еже о ней хвалити Бога во вся дни жизни нашея, Святии Мученицы Царственнии, умолите Судию грознаго и неумытнаго, грядуща судити живым и мертвым, да седмижды седмьдесят ослабит, оставит всем поющим вам: Радуйся, радосте седмицветная, завете спасения русскаго в покаянии. Икос 1 Ангели Божии есте, ускоряющии исхождение наше от котлов египетских, от радостей потопных, от рожец свинии: о Святии Мученицы рода Царского: послани ныне есте роду нашему Царство приблизившееся возвестити, от покаяния приемля ны во своя си, Русь Святую Небесную, идеже уповаем пети о вас: Радуйся, Царю Николае, Христом Богом царствующий; радуйся, имже отечества Небеснаго и земнаго сподобляемся. Радуйся, милосердая Царице Александро Новая, страданьми твоими струпы греховные наши обязующая; радуйся, Царевичу Алексие, защитниче теплый целомудрия. Радуйся, мудрая дево Царевно Ольго, невеста Святая Руси Святой; Радуйся, мудрая дево Царевно Татиано, погубившая душу, обретшая ю. Радуйся, мудрая дево Царевно Марие, мироносице новая повапленным нашим сердцам; радуйся, мудрая дево Царевно Анастасие, веселие вечное над главами нашими. Радуйся, седмерице труб рожаных, вострубите, во еже падет вознесенная наша гордыня. Кондак 2 Видяще Святии мерзость запустения на месте Руси Святой вяшще неже седмьдесят лет, себе же самех поносимых, иждиваемых, всяцем злым глаголом реченных ради Христа даже до днесь. Господи! – вопиютъ Спасу: Не просим Тебе седмь раз простити ихже не ведают, что творят, но якоже рекл еси Петру, да и тии поют: Аллилуиа, аллилуиа, аллилуиа. Икос 2 Разум недоразумеваемый разумети ересь саддукейская, аще ищещи поныне, главному догмату Православия не верующи, зри убо тацех седмь, кийждо отъ них есть венец Руси, законные бо обладатели земли и народа суть, обаче блудодействова земля и народ от Закона Божия: аще ли гладствовавши в себе приидет, сице зовущи: Радуйся, Царю Николае, царскую диадиму мученическим венцем уяснивый; радуйся, воиномъ Христовымъ до гроба бывый. Радуйся, Царице Александро Новая, мудрость любовию о Христе свидетельствуяй; радуйся, Царевичу Алексие, иже яко овча на заколение ведеся. Радуйся, Царевно Ольго, в годину буих мрачных дней дивно процветшая; радуйся, Царевно Татиано, матере твоея неизреченная таиннице. Радуйся, Царевно Марие, бдящая на молитве за нощь России несветлую; радуйся, Царевно Анастасие, радосте Ангелов; Радуйтеся, седмь, имущие обладати Россиею, иже яко Ангели на Небесех, бывшие ей на земли. Кондак 3 Сила Вышняго осени тогда яко едиными усты глаголати Царственных Мучеников: Русские есмы, и хотением восхотели есмы оумрети в России, егда самое имя сие постыдным непщуется даже до днесь в стране нашей: якоже седмь убо зерен, пад в землю нашу, седмь тучных класов питающих ны паче неже седмьдесят безплодных лет, подали есте нам, поющим: Аллилуиа, аллилуиа, аллилуиа. Икос 3 Имущи Богоприятныя камени во время оно Господь, языцы, во тьме и сени смертней сидящии, чада Аврааму соделал есть: обаче и самое камение разседеся, не терпя страданий Христовых; да не возглаголем ныне: чада есмы отца всех русских, отца имамы Царя Николая, аще не творим плод достоин покаяния, поюще: Радуйся, Царю Николае, готовое наше покаяние; радуйся, каменныя сердца наша пременяяй на плотяныя. Радуйся, Царице Александро Новая, на царстве юродою сущая; радуйся, Царевичу Алексие, всесожжение за грехи народа твоего. Радуйся, Царевно Ольго, рай изгибшаго отечества нашего; радуйся, Царевно Татиано, радующаяся, идеже мы ропщем. Радуйся, Царевно Марие, любящая любвеоставленных; радуйся, Царевно Анастасие, радосте безрадостных. Радуйтеся, имиже, аще седмищи на день согрешаем, седмищи на день обращающихся приемлет ны Господь. Кондак 4 Бурю внутрь имея помышлений сумнительных о Царственных Мучениках некий списатель житий Святых, узрев седмь струй мира точащу икону Царя Николая, принесе теплое покаяние. Прочее слышимъ евангельский глас: и аще кто от мертвых воскреснет, не имут веры. Мы же Царственным Мироточцам поем: Аллилуиа, аллилуиа, аллилуиа. Икос 4 Слышаша архипастырие соборнии перваго среди равных, глаголюща: аще кто непщует нуждно быти Царю прославлену, да потщится возстати; вси убо последоваша возставшу ему. Полнотою Церкви Небесной и земной совершившуся, вси поют Мучеником Царственным: Радуйся, Царю Николае, послушания отча никогдаже бежавый; радуйся, волю Отца Небеснаго всегда разумевый. Радуйся, Царице Александро Новая, правды токмо Христовой алкавшая; радуйся, Царевичу Алексие, отроков о чистоте непреклонная дерзосте. Радуйся, Царевно Ольго, боящаяся огорчити отца огорчением ближних его; радуйся, Царевно Татиано, не испытующая, но испытуемая. Радуйся, Царевно Марие, яко и ты еси во бранех помощнице нам; радуйся, Царевно Анастасие, радосте целая отроковиц невестных. Радуйтеся в Церкви Седмисоборней, собирая овцы Единому Пастырю. Кондак 5 Боготечнии звезды есте, звезде Вифлеемстей подобяся: седмерицею умножая светолитие над хладным и темным вертепом, иже ныне весь мир есть: аще ли не паки Грядущему со славою сияете, пристрашно вопиющи: Се Жених грядет, аллилуиа, аллилуиа, аллилуиа. Икос 5 Видяще отроцы седмь во Эфесе, иже о Максимилиане, посмеивающиеся ереси саддукейской о еже не быти воскресению: аще несть воскресения, вся дозволена суть: узрим же и седмь Царственных, ратуемых даже доныне: брань же сия истинное есть уверение Вечныя Жизни их во Христе: да не услышим, иже вся слышат не почитающия Царей в Неделю Православия, да присно поем о Царех: Радуйся, Царю Николае, пастырю добрый народа русскаго; радуйся, имже открываются помышления многих сердец. Радуйся, Царице Александро Новая, семей во Христе охранительнице; радуйся, Царевичу Алексие, возсиявый во время посещения твоего. Радуйся, Царевно Ольго, ведущая матернее в девстве твоем; радуйся, Царевно Татиано, послушным духовный слух отверзающая. Радуйся, Царевно Марие, изми нозе мои от поползновения; радуйся, Царевно Анастасие, радосте всех поющих тебе. Радуйтеся, иже яко седмь агнецев непорочных единолетных, всесожжение Богу приятно устройте души наша. Кондак 6 Проповедницы Богоноснии бывше седмь седмериц лет Святии Царственнии Мученицы: вами бо вопиял есть Спас Всемилостивый: милости хощу, а не жертвы: беззаконие миловали сирот и вдовиц чрез все житие ваше; юбилейному году наставшу, беззаконие субботствующих милуете страшно, их жертвоприношению соизволяя, аще ли ни останок покается, вопиюще о Царех Богу: Аллилуиа, аллилуиа, аллилуиа. Икос 6 Возсия во Египте новом просвещение тьмы, паки иже о Иосифе изобразуеши нам: седмью хлебами лепоты дивной насыщаещи тысящи гобзующих: яко седмью тучными годами избыточествуеши седмидесяти летом безплодным: в дому Отца моего наемники колицыми избыточествуют хлебы: призывая вопити нас, гладствующих на чуждей стране, да воспоем седмерице Царственней: Радуйся, Царю Николае, столпе веры Православныя; радуйся, твердое Церкве ограждение. Радуйся, Царице Александро Новая, сестра милосердная народа твоего; радуйся, Алексие, новый Царевич углический. Радуйся, Царевно Ольго, радующаяся воле отчей; радуйся, Царевно Татиано, правило послушания, Радуйся, Царевно Марие, жажду Небесных даруй нам; Радуйся, Царевно Анастасие, радосте жизни во Христе; Радуйся, седмеричное погружение нееманово, очищение неисцельной гордыни нашей. Кондак 7 Хотяй всем человеком спастися и в разум истины приити, многочастне и многообразне глаголет нам Бог Мучениками Царственными: аще восхощем молитися Царю Николаю, всей семье молимся, седмерицею на всяк день хваляще Господа: аще ли прильнем к милосердой Царице, абие седмь помазаний имамы духовных: ко Царевичу ли возопиим, зрим целокупно седмисвещник пресветлый: плачем ли Ольге, вси убо седмь звезд боготечных кротце сияют нам: смиряем егда себе пред Татианою; седмь даров Дух Святый изливает на нас; бодрствуем ли со Мариею, шесть убо дний творимъ волю Божию, да в седмый Его покой обрящем: жительствуем ли в Анастасии, истинно субботствуем воскресно: малая церковь есте, Мученицы Царственнии, седмотаинственно благодатствуя всех, поющих о вас: Аллилуиа, аллилуиа, аллилуиа. Икос 7 Новые водоносы уставляет Жених Небесный на браке Руси Святой: егда людие русские, упившиеся благоденственным мирным житием, здравием же и спасением, и во всем благим поспешением Божиим, благодарни быти не восхотели суть, врашщася, псом подобно, на язычество свое: тогда седмь убо водоносов исполнил есть Христос даров благодати и истины, седмь святых царственных мучеников, дивящимся всем, како сберег Сый доброе сие вино до последних дний, въ них же упоеваемии, поем: Радуйся, Царю Николае, кротце вся простивый; радуйся, землю Русскую навеки наследовавый; радуйся, Царице Александро Новая, яко тобою спасутся тысящи. Радуйся, Царевичу Алексие, источниче Благодати; радуйся, Царевно Ольго, словесы чисты Бога о России молящая, Радуйся, Царевно Татиано, вкушение сладости затворения; радуйся, Царевно Марие, точащая воду животную из камене. Радуйся, Царевно Анастасие, невинно страждущих Пасце причащающая; радуйся, Благодать седмеричная, иже безплодны творит отцы множества. Кондак 8 Странное о Царственных Страстотерпцех видяще, яко едину имели велию скорбь, егда разлучатися семье; убоимся Глаголющего: иже Бог сочета, человецы да не разлучат; возопиим Сочетателю всяческих о семье во Христе: Аллилуиа, аллилуиа, аллилуиа. Икос 8 Весь бе в нижних, Христу последуя, Страстотерпец Святый Царь Николай, даже до ада малое стадо с собою ведый, никогдаже стремился властвовати, обаче двадесять и три года твердо кормил есть кораблец русской державы: веруя в харизму свою, смирился до умаления славы ея: любящий жену и детей, монах былъ готов стати: наконец же отречение России любовию покрыл есть, и ныне ведеши семью на заколение, в снедь алчущим любве желая принестися, пепел падений наших растворяя вином неотступнаго отцовства твоего, плачущим и рыдающим нам сице: Радуйся, Царю Николае, всякую болезнь врачуяй; радуйся, из тьмы кромешной и топи изводяй. Радуйся, Царице Александро Новая, упокоение страждущих; радуйся, Царевичу Алексие, веселие безпомощных. Радуйся, Царевно Ольго, утешающая отечестволюбцев; радуйся, Царевно Татиано, давидствующая противу голиафа западнаго. Радуйся, Царевно Марие, неверных гласа совестнаго слышание; радуйся, Царевно Анастасие, радосте, смерть попирающая. Радуйтеся, Маккавеи новые; аще ли не седмое покаемся. Кондак 9 Всякое естество Ангельское удивися, зряще таинство седми звезд, иже Ангели Церкви и земли русския, полноту Благодати изливая коемуждо кающемуся сердцу, иже милися плачем: Аллилуиа, аллилуиа, аллилуиа. Икос 9 Ветия многовещанныя двадесять и три степени низу непщуют царствие ваше: мы же схождение страшное празднуем, Царственный воистину убо кенозис христоподражательный, паки зряще лествицу иаковлю, и седмь убо Ангели Божии, иже сходят по ней к немощным нашим мольбам, и возносят сии ко Престолу Славы, всем поющим о них: Радуйся, Царю Николае, новыя страны народом русским населивый; радуйся, яко сей народ твой злобой немствующих победил есть. Радуйся, Царице Александро Новая, являяся, аки служащая; радуйся, Царевичу Алексие, суемудрых студа исполняяй. Радуйся, Царевно Ольго, по покаянии любы благовествующая; радуйся, Царевно Татиано, бремя немоты нашея молитвой облегчающая. Радуйся, Царевно Марие, моления детские исполняющая, радуйся, Царевно Анастасие, радосте наедине предстояния Христу. Радуйтеся, седмь, иже яко седмьдесят толковников, истолкуйте ны благоприятне на Суде. Кондак 10 Спасти хотя мир, иже всех Украситель, седмь убо Таинств в Церкви Своей положил есть: велию тайну предлагает Бог нам Царственною седмерицею, за еже спастися Израилю Новому, останку Руси Святой, седми убо тысящам, не преклоншим колена перед ваалами и астартами, седмерицею поюще: Аллилуиа, аллилуиа, аллилуиа. Икос 10 Стена огустевших вод есть страдания ваша, Мученицы Царственнии, мы же немокренно преходим житейское море, моляся вам, выну зря дугу седмицветную пред собою, Гocпoдеви поем, славно бо в вас прославися: Радуйся, Царю Николае, стено необоримая Церкви Христовой; радуйся, мира всего зло удерживаяй; радуйся, Царице Александро Новая, защитнице российская; радуйся, Царевичу Алексие, тепле кающимся целомудрие возвращаяй. Радуйся, Царевно Ольго, остененная всех дев стеной; радуйся, Царевно Татиано, глас хлада тонка непщующим о Царе; Радуйся, Царевно Марие, текущая на гроб России четверодневной; радуйся, Царевно Анастасие, радосте нееманова седмеричная. Радуйтеся, стены иерусалимския послеплененныя, доме, иже создал есть Господь. Кондак 11 Пение всякое наше побеждается пением вашим, иже яко седмь священницы с седмью трубы рожаны седмерицею обходите вознесенный оплот самозданной темницы нашей: аще ли не падет страстный сей Иерихон? Мы же чающе свободитеся во Христа, поем: Аллилуиа, аллилуиа, аллилуиа. Икос 11 Светоприемный седмисвещный светильник зрим Мучеников Царственных, седмь цветов радости послепотопной облиставающих нам: идеже преподобноцветен есть Царь Николай, и в темнаго пурпура ризах Новая Александра Царица; Мученик же Царевич Алексий Димитрию Царевичу и Гавриилу Белостоцкому цветом подобен; тамо голубицею Царевна Ольга, и в небесных цветах Царевна Татиана, иже благую часть избра; Царевна же Мария златосиянно просвещает нас, и юнотка Царственная Анастасия, яко пламень огненный. Преклоньшие лица на землю, и боящияся, обаче поем сице: Радуйся, Царю Николае, чашу горькую в народа место испивый, радуйся, яко Пасха русская явился еси; Радуйся, Царица Александро Новая, верная России в Бозе даже до смерти; радуйся, Царевичу Алексие, сострадание точащий; Радуйся, Царевно Ольго, еюже просвещает Царь тьму нашу; радуйся, Царевно Татиано, благословение домом. Радуйся, Царевно Марие, разстоящияся любовию сочетающая; радуйся, Царевно Анастасие, радосте Всехитреца Господа. Радуйтеся, седмь свещников огненных, горящих пред Престолом Троицы Святой. Кондак 12 Благодать дати восхотев преизбыточествующую шестью деньми творит мир Господь, седмый же день благословляет, за еже освятити его: седмерица же Царственная дадеся нам, во еже освятити людие свои покаянием, имиже новотворит Бог нас людие быти паки, иже сташа персть и гной, за еже спастися поюще: Аллилуиа, аллилуиа, аллилуиа. Икос 12 Поюще коемуждо от вас, всякия беды и напасти, паче же уныния и отчаяния избавляемся; поюще же собору вашему, якоже соборне помазуемся елеем Святым, аки певаемы от вас, мняще зрети вас сице: Радуйся, Царю Николае, всякое прошение исполняяй; радуйся, помощниче прежде прошения нашего. Радуйся, Царице Александро Новая, еяже слава вся внутрь есть и доныне; радуйся, Царевичу Алексие, веры истинныя уверение. Радуйся, Царевно Ольго, на всякое время и час сходя в купель покаяния нашего; радуйся, Царевно Татиано, яко во аде довлела есть ти любы Христова. Радуйся, Царевно Марие, елеоподательнице девам уродивым; радуйся, Царевно Анастасие, манно веселия в пустыни житейской. Радуйся, соборе елеофорный, помазуяй язвы наши седмерицею. Кондак 13 (сей кондак глаголется трижды) О святии седмь ветвей чудоточной Христовой Лозы, яко седмь даров Приснопоклянаемого Духа Святаго точащия нам, от них же Духом Страха Божия аще ли не сияет нам Царь Николай, и испускает лучи Духа Благочестия Новая Александра Царица; Дух же Разума о Христе стяжавет для нас Цесаревич Многострадальный Алексий; Ведением светится Ольга, и Советом Татиана; Крепостию блистает Мария; Духа Премудрости каплет нам Царевна Анастасия; Целокупно же зримые суть седмь златых огней седмисвещника алтарнаго, просвещая и освящая поющих о вас: Аллилуиа, аллилуиа, аллилуиа. Окончание. Икос 1 Ангели Божии есте, ускоряющии исхождение наше от котлов египетских, от радостей потопных, от рожец свинии: о Святии Мученицы рода Царского: послани ныне есте роду нашему Царство приблизившееся возвестити, от покаяния приемля ны во своя си, Русь Святую Небесную, идеже уповаем пети о вас: Радуйся, Царю Николае, Христом Богом царствующий; радуйся, имже отечества Небеснаго и земнаго сподобляемся. Радуйся, милосердая Царице Александро Новая, страданьми твоими струпы греховные наши обязующая; радуйся, Царевичу Алексие, защитниче теплый целомудрия. Радуйся, мудрая дево Царевно Ольго, невеста Святая Руси Святой; Радуйся, мудрая дево Царевно Татиано, погубившая душу, обретшая ю. Радуйся, мудрая дево Царевно Марие, мироносице новая повапленным нашим сердцам; радуйся, мудрая дево Царевно Анастасие, веселие вечное над главами нашими. Радуйся, седмерице труб рожаных, вострубите, во еже падет вознесенная наша гордыня. Окончание. Кондак 1 Избранная седмерице, во еже о ней хвалити Бога во вся дни жизни нашея, Святии Мученицы Царственнии, умолите Судию грознаго и неумытнаго, грядуща судити живым и мертвым, да седмижды седмьдесят ослабит, оставит всем поющим вам: Радуйся, радосте седмицветная, завете спасения русскаго в покаянии. Молитва Святым Царственным Мученикам О Священный соборе Святых Мучеников Царственных! Кийждо от васъ непреложно есть изряднейший чудотворец и целебник: аще ли единаго от вас призываем во обстояниях, веруем абие спасены быти за любовь вашу ко Христу Богу нашему. Обаче тяжкие суть, яко никогдаже прежде греховныя немощи наша: отступление наше аще ли не падение превратися: самая воля ко спасению уже поразилася, и не вемы, что есть спасение, довольнии есмы египетством нашим. Темже, неспособнии принести истинное совершенное покаяние, изнемогшии телом и душею, не могущие исповедать срамные наши грехи, иные же и забвеннии суть, паки же и исповеданные тяжкие грехи наша, от юности и от науки злы, доныне терзают совесть нашу, к вам вопием из глубины смрадныя нашей темницы: О Священный Соборе Царственный! Веруем, яко седмочисленному составу вашему даде Господь Бог туюжде благодать, якоже и в Таинстве Елеопомазания: освятите убо молитвою вашею ны, немощные, отпустите греси наши и очистите совесть отъ всякия скверны: да облегчаеми предстательством вашим, вперени будем к Небесным, идеже вы присно славите Безначальнаго Отца со Присносущным Его Сыномъ и со Пресвятым и Благим и Животворящим Его Духом, всегда ныне и присно, и во веки веков, аминь. Молитва ко Святому Великомученику Благоверному Царю Николаю О, Святый Великомучениче, победоносче и целебниче Царю Николае! Вопрошая, яко Исаак Авраама, Господа вопрошал еси: Где есть овча, еже во всесожжение? И, отвещая, отвещал еси Владыце твоему: Аще потребна жертва за Русь Святую, аз есмь жертва сия. Сим же, яко первосвященник за грехи народа твоего, ходатай не без крови ко Престолу Троицы Святыя пришед, моли о нас, о страдальче пятдесятолетний, Бога твоего, да не убоимся страданий за Христа; и якоже привел еси народ твой к славней победе над злым врагом, поне и чрез двадесять и осмь лет; сице приведи и нас к победе над злою волею нашею и над врагами царства твоего; и, яко уневестил еси семью твою Небесному Жениху, сице и сирых младенцев русских напитай, ухлеби, уцеломудри; и, яко же Новый Николай Чудотворец, сшествуй нам тесным путем, ко Христу приводящим. О, дивный воеводо рода русскаго! Поборствуй Руси Святой противу новаго ига, агарянскаго и ляшскаго злейша; накажи, но помилуй; попали, но исцели; умоли Господа и Пречистую Матерь Его не быти в конец оставленней земли нашей. Да будет на нас державная воля твоя. Да будет с нами отчая милость твоя; и, яко умножися вопль содомский от земли нашея, призри милостивно на ны, яко же и Господь Бог наш в Троице славимый древле посети любовию Своею оныя содомляны; тако да очистит ныне и нас Бог огнем любве твоея. Аминь. Молитва Святой Великомученице Благоверной Царице Александре Новой О святая Великомученице Царице Александро, о возлюбившая Господа от всего сердца твоего, и от всея души твоея, и всею крепостию твоею и всем помышлением твоим! Вемы, яко младенца тя сущу страданием венча Христос матери ти умершей: помолися о чадех наших, матерей лишенных, матерями оставленных, матерями убиенных. Вемы, яко Жениха ради Небеснаго готова была еси отвергнути жениха Царственнаго: помолися об отроковицах и отроцех наших, да не изберут скотскую пищу, ценою души купованную. Вемы, яко возненавидена была еси ближними от венца брачнаго, помолися о юных женах, в домы мужей входящих; вемы, яко неугодны были суть чада твоя, дондеже наследник не родися, помолися о женах, в долгонедужии сущих. Вемы, яко чадо молитвы, чадо веры твоея, сын и наследник, неизцельно болен явился есть, помолися не быти оставленным болящим младенцем страны твоея. О избранная крестоносице Христова чрез все житие твое, возлюбившая народ твой паче себе: возжелевшая паче умрети, неже оставити страну твою; разделившая Мученический венец с Помазанником Божиим, умоли Бога твоего, да не отступим от Него в час посещения нашего, да верны пребудем Христу кийждо на месте своем, да внидем в Царство, идеже ты солнечная луча еси Солнца Правды, Христа Бога нашего, в Троице славимаго. Аминь. Молитва Святому Великомученику Благоверному Царевичу Алексию О Страстотерпче Святый Великомучениче Цесаревиче Алексие! О новый Димитрие Царевиче, якоже и сей, Дом свой заключающий! О Гавриилу Белостокскому и прочим младенцем, жидов обличителем, подобящийся! О Артемию отроку, народом пренебрегаему, последующий! Известны мы, яко ополченное войско, мятежными окруженное, тобою из топи непроходимыя невозбранно изведено бысть. Сии же изводимии, священнику, дерзновением фесвитянину Илии подобному, запинаху молити тя о спасении, не сущу ти людьми прославленну. Се ныне зриши царство твое, о нем же глаголал еси: Егда аз буду Царь, не будет лжи окрест мене — днесь царство отца лжи является, за еже доселе не царствуеши ты в сердцах народа твоего. Сам убо, о Царевиче, прииди и стани зде с нами, уцеломудри нас, аще и не волящих: ты еси врач изрядный, ведящий более нас потребная ко спасению нашему. Вемы сострадание твое, вемы кротость твою, вемы любы твою к народу твоему: помози в долгонедужии сущим людем твоим, не попусти любвеоставленней быти прежде Святей Руси, но сам яко веси, приими дерзновение во спасение наше. Аминь. Молитва Святой Мученице Благоверной Царевне Ольге О Святая Страстотерпице Царственная Мученице Ольго Царевно! Некий слуга твой свидетельствова, яко ты истинная невеста была еси; зане тебе, возрастней сущи, не вестно было есть, о еже како возглядати девицам на мужеский род, за еже нравитися им, како рещи, и како помизати, и иныя искусства привременныя; и бысть ты, отроковица сущи яко же младенец в хитростях сих. Се уже не молим о еже быти тако, но токмо о памятовании бытия таковаго, зане и самая память сия оградительна есть. Оле не детскости нашей, Богу неугодней! Вся превратно ведущим сущим нам помолися поне по времени зрети образ твой, за еже очищенными очесы и ближняго узрим, аще и в пламени адском. Персть во гробе не поет; живи нас молитвами твоими, да не отчаемся, да благодарни пребудем, тобою славяще Бога за все. Аминь. Молитва Святой Мученице Благоверной Царевне Татиане О сестро милосердная, Мученице Татиано Новая! Покаянием преискренним отсекая удобопреклонность ветхую, добрая хирургическая сестра была еси, яко себе самую возлюбльши ближняго. Ныне помощнице еси Врача душ и телес, молитву твою за ны в обязания место, любы твою к отечеству вместо елея поднося Исцелителю. Вемы смрадныя язвы наша, малодушие наше вемы, известны о потребе действа хирургическаго на душах наших. Обаче вемы и дерзновение твое к Действующему: моли Господина жатвы поне волю нашу уставити ко спасению, да спасении молитвами твоими, услышимъ тебе, поющую херувимскую песнь Богу, в Троице славимому. Аминь. Молитва Святой Мученице Благоверной Царевне Марии О многоценне бисере, Святая Мученице Царевно Марие! Ты купно еси и человек купец: понеже обретши тя, шед, продаем вся, прежде на мнозе цененная, да тецем по тебе. Аще и не есть лепо даровати тебе нам, ниже поврещи нам, обаче и пси ядят от крупиц трапезы господей своих. Сотвори убо ны за молитву сию быти чистии сердцем, творцы а не слушателие токмо Божия Слова, да внидем тобою во едину от дванадесяте врат, иже каяждо от единаго бисера, аможе ты царствуеши присно со Отцемъ, и Сыном и Духом Святым. Аминь. Молитва Святой Мученице Благоверной Царевне Анастасии О Святая Мученице Царевно Анастасие, главнейшему догмату Православной веры тезоименная: ужасаемся зрети тебе на камени гробнем наших сердец: ты же, егда объял есть тебе трепет и ужас заключения твоего, глумилася еси ужасу сему, глаголя ужасную радость: ужасно хорошо, ужасно мило; можеши, аще волиши, отъяти страхования наша, иже не соделывают страха Божия. О нечаянная радосте всем знаемым твоим в житии, иже непщеваху в твое место быти наследнику: обаче явилася еси велие утешение сродником твоим, наипаче в заточении, солнечному лучу в темнице подобяся: буди Свет Христов и мне в самозданней темнице страстей моих, воскрешая от радостей мира. О иже отроковица сущи, верою и любовию отверзала еси сокровенная ближних твоих, сокровище тайнаго сердца человека изводя нам, яко свет полудне: отжени прах и пепел от златницы, юже в Крещении даде ми Господь: отверзи мне тайная души моея: аще ли не ужаснуся, аще ли не прибегну к покаянию молитвами твоими, воскресая Христу Богу со Безначальным Его Отцем и Пресвятым и Благим и Животворящим Его Духом. Аминь.
